તરંગ પ્રસરણને સમજવા માટે તરંગ અગ્ર (wavefront) નો ઉપયોગ સમજાવો.

સિદ્ધાંત: તરંગ અગ્રનો દરેક બિંદુ અથવા કણ સ્વતંત્ર ગૌણ ઉદગમ તરીકે વર્તે છે અને તેમાંથી ગૌણ ગોલીય તરંગો ઉત્સર્જિત થાય છે. ખૂબ જ નાના સમયના અંતરાલ પછી,આ તમામ ગૌણ ગોલીય તરંગોને સ્પર્શતી સપાટી નવા તરંગ અગ્રનું સ્થાન અને આકાર આપે છે.
મૂળભૂત રીતે,હાઈગેન્સનો સિદ્ધાંત એક ભૌમિતિક રચના છે.
ધારો કે $F_{1} F_{2}$ એ $t=0$ સમયે ગોલીય તરંગ અગ્રનો એક ભાગ દર્શાવે છે,જે બહારની તરફ પ્રસરતું તરંગ છે.
હાઈગેન્સના સિદ્ધાંત મુજબ,આ તરંગ અગ્રના તમામ બિંદુઓ $(F_{1} F_{2})$ (જેમ કે $A, B, C, \ldots$) ગૌણ ઉદગમો તરીકે વર્તે છે. જો તરંગનો વેગ $v$ હોય,તો $\tau$ સમયમાં કપાયેલું અંતર $v \tau$ થાય.
$t=\tau$ સમયે તરંગ અગ્રનો આકાર નક્કી કરવા માટે,ગોલીય તરંગ અગ્ર પરના દરેક બિંદુથી $v \tau$ ત્રિજ્યાના ગોળાઓ દોરો અને આ તમામ ગોળાઓને સામાન્ય સ્પર્શક દોરો. $\tau$ સમય પછી આ ગોળાઓને સ્પર્શતી સપાટી નવા તરંગ અગ્રનું સ્થાન અને આકાર આપે છે,જે આગળની દિશામાં $G_{1} G_{2}$ છે. આ $O$ કેન્દ્ર ધરાવતું ગોલીય તરંગ અગ્ર છે. પાછળની તરફ $D_{1} D_{2}$ ગોલીય તરંગ અગ્ર મળે છે. $G_{1} G_{2}$ પરના બિંદુઓ $A^{\prime}, B^{\prime}, C^{\prime}$ નવા ગૌણ ઉદગમ તરીકે વર્તે છે.